SILSILAH E MADAARIYAH MEN BEYAT KI HAQEEQAT

FATAWA RIDAWIAH SHAREEF: jild-12, Pg.149 (qadeem)
-----------------------------------------
(BaHawala:- Sab E Sanabil Shareef by> Hadrat Meer Abdul WaaHid Bilgrami AlayhirRaHmah)
-----------------------------------------
SAWAL :-" Kya farmate hen Ulamaa e Deen is mas'alah men ke MADAAR SAHIB ka silsilah beyAt karne ka hai ya nahi.? Tha ya tod diya.? Kya
unke khandan men beyat hona rawa (jaiz) hai ya nahi.? Kul wajh e tasmiyah is silsile ki taHreer farmaiyye.. bayyinu toojiru.."
(bayan keejiye ajr paiyye)

(Ab Huzoor e Sayyidi Aala Hadrat AlayhirRaHmah jawab irshad Farmate hen..)

JAWAAB :- " Hadrat Shah BadeeUddeen Madaar quddisa sirrahu shareef
Akabir Auliya e Izaam men se hen. Magar wali hone ko yeh zaroor nahi ke us se silsila e beyAt bhi jari ho. Hazaaron SaHaba e Kiram RadiAllahu taAla Anhum men sirf chand SaHibon se silsila e beyAt hai,
baaqi kisi SaHabi se nahi. Phir unki wilayat ko kiski wilayat pahunch sakti hai.. Is khandan ka jo silsilah Akabir men chala aya hai woh maHaz tabarruk ke liye hai, jaise ke Hadees Shareef ka silsilah. Baqi
ifazah ka ijra usse na hua. Jaesa ke Hadrat Sayyiduna Meer Abdul WaaHid Bilgrami Quddisa sirrahus sami ne 'SAB E SANABIL SHARIF' men
irshad farmaya. To jise beyAt e SaHeeHah salasil e naafizah munfaqah men ho woh apne mashaikh se tabarrukan is silsile ki bhi sanad lele to
Haraj nahi. Aur isi par iktifa, Aur khusoosan ahle fisq, jo aksar is silsile ka ghalat naam badnaam karne wale hen unse rujoo, yeh baatil o
mamnoo' hai.... Wallahu TaAla aAlam. " (Fatawa Ridawiah Sharif)
'''''''''''''''''''''''''''''''''''''''''''''''''''''''''
KHULASAH..........
Khulasah iska yeh hai ke Hadrat e Shah BadeeUdden Madaar RadiAllahuAnh ne apna Kahlifah kisi ko bhi muqarrar nahi Farmaya
jisse aapka silsila e beyAt jaari rahta. Isliye is silsile men beyAt baaqi hai hi nahi. Aur un se beyAt jaiz nahi jo is silsilah men beyAt karne ka daAwah karte hen. Is mafhoom ki Ibarat Allaah ke Wali Hadrat Meer Abdul Waahid Bilgrami Alayhir RaHmah ki kitab "SAB E SANABIL SHAREEF" men maujood hai jiska Hawala Huzoor Sayyidi aAla Hadrat AlayhirRahmah ne pesh kiya hai. Iski scans dekh sakte hen.

                                                      Scan of Fatawa Ridawiah Sharif>

Scans of SAB E SANABIL SHAREEF>

-----------------------------------------
Yeh Ek Haqeeqat hai jo ham ne jaani...lekin ham Sunni apas men MuHabbat o ittefaq rakhen...sab Buzurgaan e Deen hamare hen.... Ham unke ghulam hen...ham sab Sunni apas men bhai hen....AlHamduLillaah.