DR TAHIR MINHAJI KE OFFICIAL REPLY KA OPERATION BY MUFTI TAQADDUS ALI KHAN SAHEB ALAIHIRRAHEMA

• Jab khaleefa e huzoor mufti e aazam e hind , shagird e huzoor aalahazrat radiallahu anh , huzoor mufti ashshah mufti taqaddus ali khan radiallahu anh ke khat ka jawaab dr tahir ney diya do rangi policy apnaatey huey to mufti saaheb ki tabiyat bahut naasaaz thi lekin mufti saaheb ney zaroorat samajhtey huey us key jawaab ka reply diya aur us sey mazeed wazaahat chaahi lekin , dr tahir ney us ka koi jawaab nahi diya , aur yeh minhaji us OFFICIAL REPLY ko pesh kar rahey hai jis ka already operation kar chukey hai aur us ka koi jawaab nahi dr tahir ke paas.................. ..............

• SHARM E NABI KHAUF E KHUDA......... ..........................
• YEH BHI NAHI WOH BHI NAHI ................ ..

(subhanahu ta-aalaa wa rasoolullah sallallahu alaihi wasallam)

• ================="""JAWAABALJAWAAB"""=======================

Professor tahir ul qadri saaheb ! assalam alaikum! Aapki tafsili khat mujhey mila , jab mai haramain tayyabain aur baghdaad shareef ki haazri ke liye paa barikaab thaa. Wahan sey taqreeban ek maah baad waapis aayaa to aap ke jawaab ki raoshni mey dobaaraa khat likhna munaasib samjhaa kyunki aap key is jawaab sey to mutaalleqeen key khadshaat aur pukhtaa ho rahey hai.Jahaan tak tanqeed ki baat hai agar is mey haqeeqat ho to isey maan lenaa chaahiye.Yeh wasee-un-nazar fee aur pukhta amali ki alaamat hai.Sirf apni hi baat par ad jaaney sey to firqo ney janm liya hai. ........................

• DO RANGI............................. Aap(dr tahir minhaji) ki zahaanat aur maqbooliyat ki badi khushi hoti, agar akaabereen e ummat sey aapkey khayaalaat naa takraatey.Is khat mey aap ek maqaam par gustaakhaan e rasool k mutaaliq kufr o irtedaad ka fatwaa dey rahey hai , aur doosri jageh un ko alat-tehqeeq musalmaan bhi tasawwur kar rahey hai.Aap zara wazaahat karey ki aap ke nazdeek kaun log gustaakh e rasool hai aur un makaatib e fikr ki bhi nishaandahi karey jo aap key nazdeek alat-tehqeeq musalmaan hai aur kya mundarjaa zail ibaartey gustaakhi hai yaa nahi ? ..........................

• IBAARATEY.........................

• @Maulvi ismaayeel dehelvee ney "taqviyatul iman " mey likha k "jaisa har qaum ka chaudhary aur gaao ka zameedaar , so in maano ko har paighambar apni ummat ka sardaar hai. yaani insaan aapas mey sab bhai hai jo bada buzurg ho woh badaa bhai." neez likha ki "har makhlooq badaa ho yaa chhotaa woh ALLAH ki shan ke aagey chamaar sey bhi zyaadaa zaleel hai."(ma-aazallah) 

============================================================================================================================================

=============================================================================================================================================

• @Maulvi qasim naanautvee "tehzeerunnas" mey likhtey hai "agar bilfarz baad zamaana e nabavi bhi koi nabi paidaa ho to phir khaatimiyat e mohammadi mey kucchh farq na aayegaa cheh jaaye k aap ke ma-aasir kisi aur zameen ya farz kijiye ki usee zameen mey koi aur nabi tajweez kiya jaaye" (ma-aazallah) 

• @Maulvi khaleel ahmad ney "baraaheen e qaati-aa" mey likha hai k "alhaasil ghaur karnaa chaahiye k shaitaan o malakul maut ka haal dekh kar ilm e moheet e zameen ka fakhr e aalam ko khilaaf e nusoos e qataiya k bila daleel mahez qayaas e faasida sey saabit karnaa shirk nahi to kaun sa iman ka hissa hai"(ma-aazallah) 

• @Maulvi ashraf ali thaanvi ney "hifz ul iman" mey likha "agar baaz uloom e ghaibiya muraad hai to is mey huzoor hi ki kya takhsees, aisa ilm e ghaib to zaid o amr balki har sabi o majnoon balki jamee haiwaanaat o bahaayem ke liye bhi haasil hai"(ma-aazallah) 

• @Maulvi ismaayeel dehelvee ney apni kitab "sirat e mustaqeem" mey likha hai k "namaz mey peer aur us key maanind aur buzurgo ki taraf khayaal le jaanaa agarchey janaab risaalat ma-aab ho kitney hi darjo apney bail aur gadhey ke tasawwur mey doob jaaney sey badtar hai."(tarjuma farsi , ma-aazallah)

• @Isi tarha quraan e paak ko naa mukammal kehnaa , jibra-eel e ameen ko ghalti ka murtakab batana, khaleefa e awwal ki khilafat ko ghalat tasawwur karnaa , sahaabaa e karaam khusoosan shaikhain par shab o sitam karnaa gustaakhi hai ki nahi? Aap (dr tahir ul qadri)jis ikhtelaaf ko froo-ee aur maamooli samajh rahey hai zara us ki no-iyyat aur sangeeni ko dekhey jo baat kufr o irtedaad tak pahunchaaye woh maamuli nahi ho sakti , Apney ghalat fehmi paidaa karney waali is ibaarat ko is kitaab sey nikalwaaney ka waadaa kiya aur ham bhi yeh chahtey hai magar risalaa deed o shuneed ke ghair zimmedaar sahafiyo par aap ney kya qadam uthaayaa aur unkey mutaaliq kaunsi qaanooni chaaraa joi ki . Sirf markaz par risaalaa farokht naa karney sey kya farq padtaa hai,akhbaaraat aur rasaayel mey aap key interviews aur taqaareer agar ghalat rang sey chhap jaaye to fauri taur sey is key mutaaliq tardeedi bayaan diya karey, isi tarha naa kardaa gunaah aur awaam o khwaas ki ghalat fehmi khud ba khud khatm ho jaayegee. ...................=========================================================================================================================================== 

============================================================================================================================================

• FIRQA WAARIYAT.............. Aap (Dr tahir ul qadri)ney likha hai ki "aap ka kisi firqey sey taaluq nahi" yeh kyunkar ho saktaa hai ? Burey firqey sey to ALLAH jalla shanhu aap ko bachaaye kya acchhey firqey sey bhi aap ko nafrat hai? Waazeh ho k ummat mey firqa bandi maujood hai , irshad e graami hai k "................"kisi maujood ka inkaar karnaa aisaa hi hai jaisey din ke waqt sooraj ka inkaar aur jis firqa bandi sey ummat ki tabaahi aur baaz firqo ki takfeer tak naubat aayee , yeh saari duniya mey aur hamarey pakistan mey aur hindustaan mey mutaarefaa firqa bandi hai , lekin baaz baatey aisi bhi hui hai jin mey ikhtelaafat ka honaa , na ifteraaq e ummat ka sabab banaa na us ki wajeh sey fasaad hua aur na hi musalmaan us ko firqa bandi shumaar kartey hai aur yeh ikhtelaaf "ikhtelaaf e ummati rahematoh" ka mazhar hai. Aap ney bhi apni kitaab mey aisi groh bandi ko mustehsan qaraar diya hai aur yeh wajeh likhi hai k aisey ikhtelaaf ki wajeh sey zyaadaa tehqeeq karney ka jazbaa paidaa hotaa hai.Samjhiye k is ki misaal shariyat mey hanafiyat,malikiyat,naqshbandiyat,sohrawardiyat hai.Yeh froo-ee ikhtelaafaat kehlaatey hai, inki wajeh sey na koi fasaad hota hai na koi ek doosrey ko bura bhala kehtaa hai aur naa hi us key mutaaliq kisi musalmaan ke zahen mey firqa bandi ka tasawwur hai. .....................

• ASL FIRQA BANDI................. Aqaayed mey ikhtelaaf aur ALLAH TA-AALAA aur AMBIYA E KARAAM aur khusoosan HUZOOR E ANWAR SALLALLAHU ALAIHI WASALLAM aur SAHAABA E KARAAM khusoosan KHULFAA E RAASHEDEEN aur A-IMMA E MUJTAHEDEEN ki tauheen o tanqees ki wajeh sey paidaa hui aur isi ney musalmaano ki jami-iyyat ko muntashir kar diya. In mey sey ek firqa shia hai jo kalaamullah ko mehfooz o mukammal nahi maantaa . Jibra-eel e ameen ko ghalti ka mutakab qaraar detey hai k us ney wahi pahunchaaney mey ghalti ki thi. Khulfaa e salaasaa khas taur par shaikhain ko sab o shitam karna aur un par tabarra karnaa apna she-aar banaayaa hua hai , mazeed in key aqaayed ki tafseel in key kitaabo mey dekhi jaa sakti hai. .....................====================================================================================================================================== 

=========================================================================================================================================

• FIRQA E WAHABIYA................... 

Sab sey zyaadaa tafreeq bain ul momeneen aur musalmaano ki jami-iyyat ko tabaah karney waalaa firqa e wahabiya hai jo ki baad mey deobandiyat ke naam sey mash-hoor hua ,. jiski hadees mey itlaa pehley sey di gayee aur us key paidaa honey ki jageh bhi bayaan farmaa di thi "................." chunaanche is farmaan ke mutaabiq Ibn e abdul wahaab najd mey paidaa hua . Us ney ek naya mazhab ijaad kiya jis ki buniyad tauheen e nabi sallallahu alaihi wasallam aur musalmaano ko kafir o mushrik kehney par rakhi.Isney(ibn e abdul wahaab najdi) ney jo kitaab banaam "kitabuttauheed" likhi thi us mey kufr o shirk ki itni bharmaar hai ki aaj duniya mey shaayad hi koi musalmaan us key hukm e shirk o kufr sey bachaa ho .In ke mutaaliq "fatawa e rasheediya" mey likha "Ibn e abdul wahaab ke muqtadiyo ko wahabi kehtey hai. In key aqaayed umdaa they" (ma-aazallah). Hindustaan mey wahabiyat ke mu-allim e awwal maulvi ismaa-eel dehelvi hajj ko gaye aur woh "kitabuttauheed" dehli ley aaye . Aksar jageh us ka be-ainehee us ka tarjuma karkey aur apni taraf sey faayedey badha kar ek ktab likhi jiska naam "taqviyatul iman" rakha.Isey deobandi apney aqaayed ki asaas qaraar detey hai."fatawa e rasheediya" mey hai k"taqviyatul iman nihaayat umdaa kitab hai" maulvi maudoodi ney apni kitaab "Tajdeed wa ahyaa e deen" mey maulvi ismaayeel ko mujaddid saabit karney ki koshish ki hai. "taqviyatul iman" aur us key musannif ki taareef aur tauseef karney waaley sab isi firqey ke numaaindey hai. Ghair muqallid,deobandi aur maudoodi isi wahabiyat ki mukhtalif shaakhey hai inhoney wahabiyat ke badnaam honey ki wajeh sey apneu naam badal liye hai magar aqeedey wahi ikhteyaar kiye huey hai. ...........................

• ISEY KEHTEY HAI...............FIRQA BANDI..... aur yahi firqa bandi hai jis ney ummat e muslima ko grohon mey taqseem kar diya aur un ka ittehaad paaraa paaraa kardiya.Isi firqa bandi ko har musalmaan firqa bandi samajhta hai aur qaabil e mazammat qaraar detaa hai.Aap (dr tahir ul qadri) apni kitaab "firqa parasti ka khaatma kyunkar mumkin hai" meu firqa bandi ka tazkeraa yoo kartey hai , page no 45 par hai "Firqa parasti ki tangnaao mey bhatakney waaley naa aaqebat andesh musalmaan key liye zawaal e baghdaad ki taareekh ibrat naak manzar pesh kar rahi hai". Isi page par hai "wazeer e aazam ki siyaasat shia mulk ke gird ghoomti thi jabki khaleefa ka betaa abu bakr sunni aqaayed ka naqeeb tha. Dono firqey baahem dast o girebaan they."page no 46 "Phir jo tabaahi hogee us mey naa koi barailvee bach sakegaa naa koi deobandi naa koi ahl e hadees aur naa koi shia." ..........................================================================================================================================================== 

==========================================================================================================================================

• BARAILVIYAT...................... page no 111 "barailviyat , deobandiyat , ahl e hadees , shi-iyyat aisey tamaam unwaanaat sey wehshat honey lagti hai."Isja matlab yeh hai k aap bhi is ko hi firqa bandi qaraar detey hai aur hanafiyat o shaafiyat aur qadriyat o chishtiyat waghaira ko bhi aap ney firqa bandiyat mey shumaar nahi kiya hai, daryaaft talab amr yeh hai ki unhi qaabil e mazammat firqo mey aap ney barailviyat ka bhi zikr kiya hai. Aap barailviyo ke mutaaliq aisi baato ki nishandahi kar saktey hai jin ki binaa par aap ney un ko bhi gustaakh aur bad aqeeda firqo mey shumaar kiya hai.Yeh afsosnaak baat hai. .....................................

• BARAILVEE MASLAK.................... Waazeh ho ki barailviyat kisi mazhab ka naam nahi hai jo is sey kisi ko wehshat honey lagey . Yeh ek markaz e roohani o ilmi ki nisbat hai jisney wahabiyat ke fitney ka parda chaak kiya aur maqaam e nabi o wali ka tahaffuz o difaa kiya . Maqar aur munkar ke darmyaan imteyaaz ki khaatir mutaaleqeen ney apnaa taaruf markaz e ilmi ki nisbat sey karwaanaa shroo kiyaa aur BARAILVY kehlaaye warnaa in key aqaayed wahi hai jo salf o saaleheen key they aur yeh quraan o sunnat ke ain mutaabiq hai.Aap (dr tahir ul qadri)key baqaul "Maslak e ahl e sunnat hargiz firqa nahi hai aur ummat e muslema ka sawaad e aazam hai." AISEY HI BARAILVEE MASLAK BHI UMMAT E NAAJIYA KA SAWAAD E AAZAM HAI AUR ISEY WAQTI TAARUF KI ZAROORAT KE PESH E NAZAR BARAILVEE KAHA JAATAA HAI .(((FAQAT ::-FAQEER TAQADDUS ALI QAADRI RAZAVI BARAILVY , SHAIKH UL JAAMIA , JAAMIA RAASHDIYA PEER GOTH , ZILLA KHAIR PUR , SINDH)))======================================================================================================================================