Shehzada E Aala Hazrat Tajdaar E Ahlesunnat Huzur Mufti E Azam (Alaihir Rehmah) ka Madariyon Ke Baare Mein 83 Baras Pehle Ka Farmaan

Az: Jogiyaan Daak Khaana Aijat Nagar Mursala Musalmanaan E Qasba Mazkoorah- 11 Jamadith Thaani, 1352 Hijri / 1-10-1933 Sawal: Khandaan E Madariya Ke Silsila Jaari Hain Ya Sokht Hain? Jawab: Bekaar Sawal Kiye Jate Hain Namaz Roza Waghaira Zaroori Masa'il To Poochhe Nahin Jate Yeh Bekaar Baatein Daryaft ki Jati Hain Aur Phir Ek Baar Nahin WALLAHU AA'LAM Kitni Baar Yeh Sawal Aaya Hai, Log Barabar Is Silsile Mein Bai'at Karte Mureed Hote Hain, Unhein Yeh Th'aabit Nahin K Yeh Silsila Sokht Ho Chuka Hai, Jin Buzurgon Ko Iski Ittil'a Hai Unhone Aisa Tehreer Farmaya Hai, Is Mein Is Darja Jahilon Ko Padna K Ek Doosre Ka Dushman Ho Jayein, Takfeer O Tafseeq Tak Naubat Pahunch Jaye, Hargiz Ja'iz Nahin, Jo Madaari Silsile Mein Hote Hain Unse Ta'aruz Na Karein K Is Bekaar Behath Ka Nateeja Siwa Fasaad aur Kuchh Nahin WALLAHU TA'ALA AA'LAM. {Almukarramatun Nabviyah Fil Fatawal Mustafaviyah, pg.454}